Þetta eru góðar fréttir.

Fyrir mengun og annað en slæmar fyrir bílasala, enda var ég alveg hættur að sjá gamla bíla á götum borgarinnar, það jákvæða í þessu er að það ætti að vera nóg að gera á bílaverkstæðunum og varahlutasölum.

Samdrátturinn 75,68%

Athugasemdir

[Bæring (IP-tala skráð) 17.8.2009 kl. 10:01]

Gamlir bílar = meiri mengun en nýjir bílar

[Bjarki (IP-tala skráð) 17.8.2009 kl. 10:28]

Að framleiða nýjan bíl, flytja hann til Íslands og farga öðrum eldri = meiri mengun en að nota áfram gamla bílinn

[Bjarki (IP-tala skráð) 17.8.2009 kl. 10:31]

Að ganga, hjóla eða taka strætó = minni mengun en að nota bíl yfirleitt

[Undrandi (IP-tala skráð) 17.8.2009 kl. 10:51]

Já...hvad vard um alla gömlu bílana???

[Haraldur (IP-tala skráð) 17.8.2009 kl. 11:09]

Kjánaleg færsla og kjánalegar athugasemdir. Vitið þið t.d. að eldfjöll (náttúrufyrirbrigði sem við höfum enga stjórn á) spúa árlega töluvert meira af eitruðum gastegundum út í lofthjúpinn heldur en allar verksmiðjur og farartæki í heiminum (og af því eru bílar bara brotabrot, og nýjir bílar á Íslandi síðan hverfandi lítið brotabrot af því litla brotabroti).

Þannig að þó að við tökum nýja bíla úr umferð á Íslandi þá hefur það sama og engin áhrif á umhverfið. Þetta mun hinsvegar hafa hræðileg áhrif á þær fjölskyldur þar sem fyrirvinnan missir vinnuna sín. Ekki gleyma því að bílaumboðin eru stórir vinnustaðir.

Það er annaðhvort ótrúlegur kjánaskapur eða virkilega misheppnuð fyndni að tala um að 75% samdráttur í einhverri starfsgrein séu "góðar fréttir".

[Bjarki (IP-tala skráð) 17.8.2009 kl. 11:30]

Haraldur: Bílakallarnir sjálfir nota umhverfismál sem skálkaskjól þegar þeir tala um nauðsyn þess að "endurnýja" bílaflota Íslands, sem þó hefur aldrei verið yngri að meðaltali. Eins og þú bendir á er fráleitt að nálgast málið útfrá því sjónarhorni. Íslendingar eru í þriðja sæti af þjóðum heims þegar kemur að fólksbílaeign með eitthvað í kringum 650 bíla á hverja 1000 íbúa, fyrir 10 árum voru það 550 bílar á hverja 1000 íbúa. Á hinum norðurlöndunum er þessi tala á bilini 400-500. Þessi bílafíkn kostar okkur geypilegar upphæðir á hverju ári, tugir milljarða eru fluttir út árlega í skipti fyrir bíla og bílatengd drasl og eldsneyti. Ég get skilið það að þjóðir sem framleiða sjálfar bíla reyni að örva bílamarkaðinn vegna þess að þar er það spurning um innlenda framleiðslu en það er glórulaust að Íslendingar reyni að viðhalda þessu sjúka ástandi og bæta þannig á viðskiptahallan. Það er ömurlegt að menn missi vinnuna og vonandi finna þeir sem flestir sér starf á öðrum vettvangi en það er miklu skaðlegra fyrir þjóðfélagið að halda áfram þessum þykjustuleik eins og það sé ennþá 2007.

[Haraldur (IP-tala skráð) 17.8.2009 kl. 12:15]

Þú hefur aðeins misskilið mig. Ég var jú að reyna að benda á hvað það væri fráleitt að telja þetta "góðar fréttir" útfrá mengunarsjónarmiðum en ég geri mér auðvitað grein fyrir því að það er alls ekki hægt að viðhalda þessum gríðarmikla innflutningu útfrá öðrum sjónarmiðum.

Aðalatriðið hjá mér var þó að mér fannst (og finnst enn) þetta yfirmáta kjánaleg færsla hjá þeim sem skrifaði hana. Ef það yrði t.d. 75% samdráttur í atvinnugreininni sem hann starfar í, þá er ég hræddur um að honum fyndist nöturlegt ef að einhver bjáni úti í bæ bloggaði um að þetta væru "Góðar fréttir".

[Guðjón Þór Þórarinsson, 18.8.2009 kl. 06:02]

Veit ekki betur en að skrifað sé en slæmar fréttir fyrir bílaumboðin, en það er staðreynd að bílainnflutningur var allt of mikill bíllinn minn er 2004 árg og það voru margir sem sögðu við mig hva á ekki að fara að endurnýja bílinn? gatnakerfi okkar var löngu sprungið vegna allt of mikils umferðaþunga.